/n. n. 15/ Catholica fide quam gloriosis adversus haereses
quam periculosis dimicationibus decertarunt?
quam ipsos adversarios cruentarunt,
quam profligarunt? Atque ego haec, gravissimisque
aliis persuasus argumentis, crebris hoc
usurpo sermonibus: caeteros quidem variarum
religionum ordines qua vitae integritate,
qua disciplinarum cognitione, qua denique
virtutum omnium excellentia exornatos elegantissime
et gravissime stabilitos, ipsam vero
Iesu Societatem pietatis et eruditionis
parentem atque altricem, Romanae Ecclesiae
et splendori fuisse et ornamento,
ipsamque Dei immortalis munere, tanquam
Romanae Ecclesiae palladium, caeterarum
religionum columen, totius universitatis
anchoram hominibus esse concessam. Quare
desinant limbolarii quidam et atellani
hominibus de Catholica et Literaria Republica,
prae caeteris omnibus optime meritis, obstrepere
et obgannire, ne dicam calumnias falsissimas
imponere; sed, pace et voluntate vestra
(Doctissimi Religiosissimique Viri), nostra parumper